Vetrarþurrkur

Þornar húðin á veturna? Það eru ekki bara hendurnar sem verða þurrar og sprungnar í kuldanum á veturna. Maður getur verið þurr og klæjað í andlitið, handleggina, fæturna og allan líkamann. Það má skella skuldinni á kuldann og þurrt útiloftið, ásamt þurru heitu lofti í húsum og bílum, allt þetta dregur rakann úr húðinni.
Þrátt fyrir þetta er sem betur fer hægt að halda húðinni mjúkri, teygjanlegri og rakri allan veturinn.

Kryddaður matur eins og engifer og chilipipar þurrkar húðina. Það gera líka kaffidrykkir og áfengi. Neytið þessa í hófi.
Sérstaklega á veturna þarf að drekka minnst átta glös af hreinu góðu vatni á dag til að halda húðraka.
Fáið raka í húðina innan frá með fjölómettuðum fitusýrum sérstaklega omega 3. þær hjálpa til að halda húðinni rakri innan frá, þannig að hún verður mjúk og rök. Auðvelt er að fá omega 3 úr fiski, hörfræolíu, graskersfræjum, ólífuolíu og möndlum.
Forðist snyrtivörur sem innihalda paraben, tilbúin rotvarnarefni sem eru venjulega notuð í blöndu með methyl-, prophyl- og buthylparabenum. Það er þekkt staðreynd að efni þessi geta valdið ertingu í viðkvæmri húð.
Notið andoxandi efni á húðina, sérstaklega andlit, hendur, fætur og fótleggi og olnboga.
Berið rakakrem á og yngið upp húðina. Góðir rakagjafar eru til dæmis, avocado olía og kvöldrósarolía. Gott er að bera á sig á morgnana og eins á kvöldin fyrir svefn.
Passið að taka nóg af andoxandi efnum. Eins og C, E, A vítamínum og seleni. Rannsóknir hafa sýnt að andoxandi efni vernda húðina og geta dregið úr þurrki og húðskemmdum.
Munið eftir (eiturefna- og ilmefnalausri) sólarvörn í vetrarsólinni.

Susan M. Lark, M.D.

P.S. Annað atriði – munið eftir að vera með hanska eða vettlinga, húðin á höndunum er viðkvæm. Vettlingar eru besta vörnin gegn vetrarkulda.